演員身份與Juno合唱《黑盒》 韋羅莎:我係偷窺者

麥浚龍(Juno)日前推出的新歌《黑盒》邀請到舞台劇演員韋羅莎一起合唱,今日Juno與韋羅莎、音樂人王雙駿及Coey Young到電台宣傳時,被問到是否被拍拖多年的女友戴庚玲(Janine)逼婚,Juno大笑表示:「傳啫,即係假架啦。冇諗過(結婚),宣傳新歌嘅打算就有。」

《the album》下半部 董折浦銘心已分開

Juno表示《黑盒》是去年《the album》的下半部分,今日開始正式宣傳。韋羅莎透露:「技術上,董折同浦銘心已經分開咗,所以我似係偷窺者多啲。因為我嘅角色寒玲係Call台接線生,嗰時冇乜嘢娛樂,喺工作中睇到呢兩個人嘅感情世界,好有趣,有啲係視為娛樂,又八卦,我仲模仿董折。」

Juno表示希望可以與韋羅莎繼續合作,又指很久沒試過造音樂時會緊張冒汗。韋羅莎自爆用了五、六小時錄歌,「我哋聽返首歌嗰陣,我問佢哋有冇後悔?不過我自細就鍾意唱,沖涼房就係我嘅演出場地。」王雙駿則說韋羅莎「用演員身份去唱,就係我哋需要嘅嘢。」

Juno與韋羅莎一起接受訪問。(網上圖片)
分享: