黎燕珊自曝曾遭金馬影帝欺凌:又扯衫又踩你

1980年代初入行、現年54歲的黎燕珊昨晚與《新喜劇之王》女主角鄂靖文一起出席活動,她表示該電影勾起她不少回憶,她更自曝剛加入娛樂圈時,曾遭到一位「金馬男主角」糟質,「又扯你衫又踩你,並講粗口鬧你」。黎燕珊坦言:「現在睇番轉頭,要多謝這位男主角畀我一個咁大挫折,人要有衝擊,如果不是遇到他,我就不會去選美追我個夢而有演戲的機會。」雖然黎燕珊堅拒公開對方身分,但一眾網民都很熱心猜測這位影帝級人馬的身份。

感謝給予挫折 激勵選美追夢

黎燕珊表示:「呢套戲同我追夢嘅過程好有共鳴,未選美之前,我喺邵氏拍戲,當時被一位金馬男主角、我唔記得咩男主角,佢係香港演員,而家仲喺度嘅,不過已經冇做呢行,當時佢應該飲醉酒埋位,導演已經叫咗cut,佢仲繼續糟質你,又扯你啲衫,又踩你,仲講粗口鬧你,當時我心諗,點解你咁樣蝦一個同業嘅師妹,對於一個16歲想追夢嘅演員嚟講係好多問號㗎,自己咪匿埋喊囉!」

譚詠麟李修賢周潤發均有嫌疑

據媒體翻查,黎燕珊未選亞姐前,在邵氏拍戲的80至85年間,贏過金馬影帝的香港演員,包括有1981年的譚詠麟《假如我是真的》、1982年的艾迪《邊緣人》、1984年的李修賢《公僕》及1985的周潤發《等待黎明》。

黎燕珊自曝初入行時曾被一名港產「金馬影帝」欺凌。(網上圖片)
年輕時的黎燕珊。(網上圖片)
黎燕珊指《新喜劇之王》勾起她不少回憶。圖為電影女主角鄂靖文。(網上圖片)
分享: