睇《新喜劇之王》憶茄哩啡歲月 杜汶澤感觸落淚

今年賀歲片檔期競爭激烈,彭浩翔的《恭喜八婆》上畫兩日即獲荷里活監製研究翻拍,此前不少觀眾看過周星馳電影《新喜劇之王》的預告後,認為只是翻炒上集毫無新意,但實際上映後,不少觀眾大讚電影比想像中好。杜汶澤昨日在Facebook大談自己的《新喜劇之王》觀後感,同樣由茄哩啡做起的他對電影很有共鳴,他笑言「周星馳導演就算瞓著覺,都拍贏好多人,我無選擇錯,因為我一向麻麻地賀歳片,好彩咁多套入面,我揀咗呢部。」

「周星馳瞓著覺都拍贏好多人」

杜汶澤在FB貼出《新喜劇之王》的劇照,又引用戲中的對白「你覺得你有機會咩?永遠都無!」「永遠即係幾遠呀?」「永遠即係由而家一直到宇宙滅亡…….」,大談自己多年來的追夢之路。他表示:「當我今日見到新喜劇之王入面個女仔,佢一聽到只要見到樣,就算唔使錢都肯做茄哩啡嘅時候,佢揸住盒飯盒,背景音樂「天鵝湖」一出,我嘅眼淚已經流出嚟。佢令我忽然間記得有一日,我響清水灣一廠收工,嗰日我不停NG,雖然只係一個連名都無嘅band 仔角色,而嗰日我只係得一句對白啫!我都演唔好、我都講唔到。返到屋企,我喊咗好耐,覺得自己好無用。我發誓我一定要做好佢,唔可以比自己再侮辱自己有得做演員呢個機會。」杜汶澤表示:「容許我份人係咁真,我從來無放棄過成為一個偉大演員嘅夢想。」

杜汶澤在FB發文大談自己對《新喜劇之王》的觀後感。(網上圖片)
杜汶澤對電影中女主角追夢的故事有共鳴。(網上圖片)
分享: