農夫聲演《新喜劇之王》 周星馳讚「平靚正」

周星馳電影《新喜劇之王》將於年初一上映,繼早前邀得張柏芝回歸聲演後,周星馳又邀請到農夫聲演角色。C君負責配一名過氣演員,陸永配導演的角色。農夫笑言:「講惡係無人類可以同Do姐媲美到,星爺都無鬧過我哋,其實他對我哋太仁慈善良。」被問到與農夫合作的感受如何? 星爺讚農夫的喜劇元素在配音時不斷爆發,可謂「平靚正」。

「星爺對我哋太仁慈善良」

農夫自嘲收得平,所以今次才獲星爺睇中,「其實係因為我哋收得夠平,又冇嘢撈,夠晒得閒。」二人見到星爺時竟然搞笑問有無飯盒,星爺直接話無。C君大讚星爺「會循循善誘,不斷問你意見,畀我哋自由發揮,從佢嘅提問當中學到嘢。」陸永亦指:「星爺有時會親身示範點配,同一句都可以有好大分別,賺咗好多經驗。」

其間農夫乘機偷師叫星爺指點,怎樣成為「喜劇之王」?星爺聞言回應說:「好難喎!用兩句未必得,起碼要多啲時間。」

農夫為《新喜劇之王》聲演,與星爺言談甚歡。(影片截圖)
農夫在聲演中發揮搞笑本色。(網上圖片)
三人齊齊拿著簽了名的特別版摺櫈。(網上圖片)
分享: