訪問張衛健緊張到喊 新主持黎寬怡被讚可愛

張衛健日前出席《大帥哥》祝捷晚會後,接受無綫《東張西望》訪問,新主持黎寬怡在訪問期間因為太緊張,忍不住當場哭出來,令身旁的蔡思貝、楊秀惠等都感到愕然,張衛健馬上出言安慰。黎寬怡其後在Instagram談及事件,指自己當時本來想講「唔好意思 收唔返(啲眼淚)」,卻講錯成「唔好意思收返(啲眼淚)」, 「慌失失又唔知點算好, 結果仲騰雞到喊咗出嚟」。不少網民都有留意這位新手主持,有人讚她可愛、充滿青春氣息,有人則質疑她靠喊博上位。

即場「收返啲眼淚」 張衛健:要跟你學嘢

節目中楊秀惠首先發現主持黎寬怡眼泛淚光,張衛健便問:「你想喊咁,咩事呀?」黎寬怡笑說:「太開心啦,唔好意思收返啲眼淚。」當時張衛健笑著反問:「你可以收返啲眼淚㗎?要跟你學嘢喎。」原來當時黎寬怡想講自己「收唔返啲眼淚」,發現自己講錯野後,她緊張得當場喊出黎。張衛健不禁感到驚訝:「你真係喊㗎?做咩事?」黎寬怡說:「我好開心,但因為我好緊張。」張衛健隨即出言安慰:「冇事㗎,你做得好好呀!冇事。」並拍拍對方的肩,讓對方的心情平復。

藝訓班畢業 自認慌失失轉數慢

最新一期藝員訓練班畢業的黎寬怡,在IG發文指自己做東張西望訪問已有幾個月,但每次仍是會緊張,「未習慣的放鬆, 轉數慢, 又有太多未改掉既壞習慣、錯誤… 成日都成隻 #慌失失奇貓 咁」。她表示幸得大帥哥的安慰和嘉賓們的體諒,才可以完成訪問。自稱「貓仔」的她還為嚇親嘉賓們以及不夠專業的訪問道歉。

新主持黎寬怡在訪問張衛健期間,因為太緊張即場喊出黎。(影片截圖)
黎寬怡與張衛健合照。(圖片取自IG)
黎寬怡被不少網民大讚可愛。(圖片取自IG)
黎寬怡此前訪問吳謹言。(圖片取自IG)
黎寬怡此前訪問陳凱琳。(圖片取自IG)
黎寬怡早前在台慶訪問袁偉豪和黃智雯。(圖片取自IG)
黎寬怡畢業自第二十九期藝員訓練班。(圖片取自IG)

分享: