【點擊破6億】徐榮倡《大帥哥》原班人馬拍時裝版

張衛健重返無綫拍《大帥哥》備受好評,連帶令劇中其他演員也人氣急升。徐榮今日接受電台訪問,提到《大帥哥》點擊率已經累積至超過6億,他笑言現在出街途人會叫他「羅義」,好開心觀眾不再只記得備他在《愛‧回家》所演的角色「馬強」。徐榮又指好希望能夠原班人馬再合作,「如果張衞健大哥想,我都想㗎,或者拍時裝,以查案為題材,同埋oversea去多啲地方拍,咁就正喇。」

「終於洗甩咗《愛.回家》馬強」

徐榮在演技備受讚賞,他笑言:「出到街,啲人叫我『羅義』,終於洗甩咗『馬強』」不過他又指:「其實張衞健大哥要抖,佢真係用盡腦汁,拍嘅時候冇停過,就算放食飯放宵夜,佢都係不停寫緊嘢,跟住嗰場戲,大家要點做,所以我諗佢要沉澱一排。」

無綫古裝劇拍時裝版早有先例,例如《皆大歡喜》時裝版、《阿旺新傳》等,都大受歡迎。
《大帥哥》一班演員日前相約一起打邊爐,收睇大結局。(圖片取自IG)
有指《大帥哥》一眾主角的原型是來自動畫Keroro軍曹,徐榮讚觀眾很有想像力。(圖片取自IG)
分享: