帖文回味沙士物價低廉 網民:經濟差擔心炒人啦!

作為外向型經濟體的香港,特別容易受環球市場影響,2008年則遇上金融海嘯,2003年更有沙士肆虐,市面百業蕭條。踏入2019年危機四伏,有網民在討論區以「係時候畀啲九十後細蚊仔感受吓03/08年個種經濟蕭條」為題發帖,惹起迴響。

2003年,牛頭角淘大花園多名住客感染非典型肺炎,E座居民一度受隔離。(電視截圖)
沙士年代百業蕭條,酒樓生意慘淡。(電視截圖)

部分網民回憶2003年時物價低廉的景況:「可唔可以去番廿蚊盒叉雞飯」、「12蚊雲吞麵送豆漿」、「試過長沙灣酒樓晚市一蚊雞仲可以包場」、「嗰陣不知幾爽,我成日請fd唱K仲有錢剩」。有人則形容:「呢兩年可以算係呢度最接近日本嘅兩年,啲人都叫有返少少人性。」、「搭的士坐一條街都接,毫子都找比你。」

招聘雜誌薄到風吹得起

另一方面,有網民想起當時失業率高企的情況,並舉例,在搭地鐵時所取的招聘雜誌非常薄,「吹得起嘅,成份得5、6頁,有2頁係封面故事,真正post job嘅得2、3頁」。有人憶述在2003年的求職苦況,從3、4月起找工作,一直無結果,直至10月才有工作。

雷曼兄弟公司在2008年9月15日破產,投資雷曼迷你債券等的人成苦主。(網絡圖片)

大多數網民都認為2003年比2008年更慘烈:「08裁員可以頂得住,03係直接執笠。」有人指出,2008年後經濟反彈得好快,相反沙士令商場十室九空,「真係搞到成個老尖同銅鑼灣死曬」、「嗰陣入手淘大嘅真係藝高人膽大」。

一些網民則對盼望經濟蕭條的一則則帖文嗤之以鼻。當中有人留言:「真係經濟差果陣,你已經擔心緊會唔會俾人炒,邊有咁多人肯拎一舊錢出黎投資?」不過有人稱,希望樓價下跌,讓正常年青人可以安居樂業,並非立心不良。

另外,有網民認為「90後」不可以稱為「細蚊仔」,原因是「 佢地30(歲)都來緊」。

分享: