怕細囝傷害大仔 張名雅喪喊疑產後抑鬱

31歲的張名雅(Carat)2016年嫁給任職律師的Joe,去年誕下大仔Mario,上周四(20日)再誕下細囝Milo。疑患產後抑鬱的張名雅今日在Ig上載一張素顏抱住Milo的相,她發文指自己陀二仔之後喊過好多次,因為覺得自己背叛了大仔,又驚小朋友會呷醋,不停流眼淚。

張名雅曾聽過一位婦科醫生講,有些父母生下第二、三胎後,會將重心傾向照顧初生BB,因而忽視了哥哥,令她產生好多憂慮。她恐怕湊初生BB係會傷害到大仔,「當我聽完呢個案例之後,淚水就不受控咁狂標出嚟。」

大仔Mario今年只有一歲半,張名雅說每當Mario見到爸爸媽媽抱住弟弟Milo的時候,Mario就會扭計同喊,令張名雅好心痛話﹕「見到佢喊,我個心深深被打咗下!Baby Milo同Baby Mario,爸爸、媽媽用愛創造咗你哋兩個,我哋永遠愛你哋!相信好快,兩兄弟嘅愛會隨成長而滋生,兄弟萬歲!」

張名雅素顏抱住Milo,她很怕大仔會呷醋,更因此失控流淚。(圖片取自IG)
張名雅上周誕下細囝Milo。(圖片取自IG)
分享: