Bob被收樓曾想「玩嘢」報復 網民:典型租霸

林盛斌(Bob)此前一直以逾10萬元月租租住加多利山三千呎豪宅,兩個月前業主通知他不獲續約,臨近年尾要帶著一家八口搬走,令阿Bob感到很憤怒,他接受媒體訪問時更表示自己想過將事件搞大,同對方玩嘢,不過最後打消了念頭。許多網民留言聲討阿Bob橫蠻,指業主已提早通知收樓,做法並無問題,有人更罵阿Bob是「典型租霸,歪理當真理」。

年尾不獲續約 帶一家八口搵屋

「我又唔係冇交租,又唔係整爛啲嘢、嘈喧巴閉,唔係有咩投訴,點解要我搬屋呢。後來佢解釋,業主要收返間屋作私人用途,嗰度有咁多屋,唔明佢哋用咩嚟考量。我當時係發咗好大嘅脾氣,我自己都控制唔到,因為幾激動,突然叫我三個月內搬走,挨年近晚,一家大細都幾大鑊,所以我都想藉着呢個機會,同當時管理處同事講聲唔好意思。」Bob說。

後來阿Bob跟略懂風水的太太去睇樓,找到一個在九龍塘的單位,據說風水比之前更好,風水師說入住後會財、丁兩旺,阿Bob有感而發:「財愈多愈好,但丁就夠嘞。」

網民撐業主有理 質疑博宣傳 

許多網民留言聲討阿Bob,除了罵他是「典型租霸,歪理當真理」,也有人撐業主「有權唔續期租約,收回自己物業作私人用途,有錢交租唔代表可以逼人租層樓俾你」,更有人批評阿Bob只是在炒作、炫富,為新戲博宣傳。

阿Bob早前不獲加多利山的業主續約,需要搬走。(網上圖片)
阿Bob與太太黃碧玲及四名子女。(圖片取自IG)
阿Bob近年密密接job,豬籠入水,但有不少網民都十分討厭他,經常網上聲討。(圖片取自IG)

分享: