楊千嬅加盟丁子高公司 明年世界巡演

楊千嬅今日在北京為《My Beautiful Live 世界巡迴演唱會》舉行記者會,並簽約成為老公丁子高開設的「正向娛樂」旗下藝人,千嬅笑言好像在台上再次證婚。千嬅表示巡演會包括大陸、澳紐、美加及倫敦等地:「第一站會係三月廣州,最希望尾站會返嚟香港。」又強調自己沒想過有機會再做巡演:「已經結咗婚,有小朋友就要對佢哋負責任,所以今次巡演好多謝屋企人總動員幫手。」至於囝囝Torres,她話都有和他解釋:「佢而家好明㗎啦。」

全家總動員幫手圓夢

千嬅透露今次同老公的合作源於兩年前一起去韓國睇Big Bang演唱會,她說:「當時係戶外騷,見到啲歌迷好熱情,現場氣氛好好,我同老公講『我諗呢世都唔會有呢啲機會』,點知老公翹埋雙手好Cool咁講『個騷都未開始』。」

「第時我唔喺度個仔可以睇番」

千嬅說想不到老公一直將這番話記在心裡,還真的幫她實現,令她十分感動。「 我都想有生之年做到今次巡迴,第時我唔喺度個仔都可以睇番。」講到同老公夫妻檔工作,千嬅話:「其實都有啲冒險㗎,始終依家有兩個身分,佢繼續要忙自己公關公司,所以都好辛苦。」

楊千嬅在記者會上簽約成為老公丁子高旗下藝人。(圖片取自IG)
千嬅說想不到老公一直將自己的話記在心裡,還真的幫她實現,令她十分感動。(圖片取自IG)

分享: