失落視帝缺席頒獎禮 張衛健:我對得住觀眾

張衞健(Dicky)重返無綫演出的劇集《大帥哥》大受歡迎,掀起追劇熱潮。Dicky早前表明自己想攞獎,可惜日前台慶頒獎禮中,視帝由馬德鐘奪得,大熱倒灶失落視帝的張衞健昨晚出席活動,接受媒體訪問時表示,「我咁多年都冇攞過獎,有獎當然開心,不過聽到好多朋友話要趕返屋企睇電視,對我嚟講,營造到呢個氣氛,又可以攞到觀眾嘅心,呢樣先係最開心。」

同劇的楊秀惠和蔡思貝日前也為Dicky感到不值,蔡思貝覺得Dicky功不可沒,楊秀惠更指「Dicky永遠都係我哋心目中嘅視帝!」

拍到攞獎為止? 「大帥哥點會咁易捉摸」

被問到為何缺席頒獎禮,張衞健說:「唔使喇!我去嚟做乜呀?正經嚟講只係想做好啲戲,只希望得到觀眾嘅心,人生可以渺小,但唔可以虛度,角色戲份少,但唔可以hea做,呢個係我咁耐以嚟嘅宗旨,總之大帥哥呢個角色,我對得住自己、對得住觀眾,將暫時最好嘅張衞健奉獻咗畀觀眾。」

被問到會否如他早前所講,「拍劇拍到攞獎為止」?Dicky笑言:「你知我鍾意講笑㗎嘛,有時亦會認真,大帥哥又點會咁易畀大家捉摸到。」

蔡思貝在Instagram貼上與張衛健的劇照,留言力撐「我心目中的最佳男主角」,標註著「不可能不是你」。(圖片取自IG)

分享: