與蒙嘉慧走後門避記者 鄭伊健:幾浪漫

將於明年2月在紅館開騷的鄭伊健,他的情歌陪伴許多人成長,他的愛情故事也廣受關注。蒙嘉慧早前透露伊健曾因為「奪麵雙琪」事件,有幾年生日不敢外出,有年蒙嘉慧不甘心,拉伊健由後門離家慶祝。伊健近日接受媒體訪問,對此輕描淡寫地笑說:「有幾年,一生日,我哋鍾意玩挑戰,屋企有後門,我哋走時見到傳媒喺前面等,好有趣,呢件事只係我同佢先知,我哋上咗巴士,返到屋企佢哋都唔知,幾浪漫。」

「我哋嘅愛情好複雜 真真假假」

現在的鄭伊健已能坦然面對舊事:「都冇嘅,過咗一段時間,都要面對,呢個係你嘅選擇,亦都係人生嚟,當然啦,你問當日嘅情況,嘩,我都唔識處理,覺得多一事不如少一事,盡量啲嘢唔發生就最好,我覺得呢個都係私人生活嚟,但以前都係一個話題,咁都過咗,o依家比較成熟、穩定,我會面對番以前嘅嘢,發生過就係發生過,有啲嘢過咗,你先搵到自己,同埋要面對。」

被問到覺得哪一首歌最能代表自己走過的愛情歲月,伊健說:「我哋嘅愛情好複雜,我覺得揀《吻感》,因為我係一個藝人,真真假假,假假真真太複雜,每個時段都有一個回憶,我覺得呢隻歌好啱藝人。」

「感情好穩定先可以做好工作」

愛過黎芷珊、邵美琪、梁詠琪,鄭伊健最後情歸蒙嘉慧,二人拍拖7年,結婚5年,蒙嘉慧日前拍短片為老公紅館騷打氣,伊健對此感到很開心,「其實佢拍唔拍我都開心,感情好穩定先可以做好工作,我哋鍾意嘅嘢好接近,平時係一齊玩大家鍾意嘅嗜好,但到認真工作時就會靜止,畀我可以專心工作,咁樣已經係最好,因為唔需要煩惱任何嘢,可以集中去做好一件事。」

鄭伊健在媒體訪問中透露,今次個唱概念由電影角度出發,着重畫面上的美學。雖然曾被批評唱功差,伊健坦言自己先天未必係最強,但還有時間可以改進,絕對有信心做到一個稱職的騷。

鄭伊健接受媒體訪問,大談自己的愛情故事。(圖片取自IG)
鄭伊健紅館演唱會的宣傳海報。(圖片取自IG)
鄭伊健與蒙嘉慧十分恩愛。(資料圖片)

分享: