跨媒體說故事 麥浚龍謝安琪專輯Part 2製作中

麥浚龍與謝安琪今日到商台宣傳新碟《the album part one》,麥浚龍表示現時已在火速加印新碟,他指計劃中故事的架構很長,由今年5月開始推出歌曲,將會跨越2年,目前正在製作Part 2,會以視像、相展等不同媒介交代故事,預計明年會推出。

謝安琪:古天樂是不二之選

古天樂因為與謝安琪合唱《(一個男人)一個女人和浴室》,入圍叱咤男歌手最後五強。謝安琪對此表示:「我好戥佢開心,雖然佢話自己『不知道怎樣反應過來』,但証明佢喺唔同界別都好受歡迎。佢演繹得啱啱好,係最合適嘅人選,網上好多人翻唱之後,我更加覺得佢係不二之選。」

麥浚龍笑言要同古天樂講唔好意思:「我哋之前拍戲成日大夜班,今次錄音,為咗令佢有陌生感,我哋book咗朝早9點,不過佢好快就畀到個感覺我。」問到古天樂這麼受歡迎,會否在Part 2加重戲份?謝安琪笑言:「可能我哋急病死咗,跟住成隻碟得番佢一個。」
麥浚龍與謝安琪今日到商台宣傳新碟《the album part one》。(圖片取自IG)
新碟正在火速加印。(圖片取自IG)
分享: