騎呢男團ERROR誕生 惡搞同門MIRROR

ViuTV選秀節目《全民造星》完結後,由冠亞季軍姜濤、陳卓賢(Ian)以及楊樂文(Lokman)等人氣參加者組成的12人男團MIRROR,除了即將舉行演唱會,更打入了叱咤我最喜愛的組合五強,人氣非常強勁。ViuTV近日在官網宣佈,同屬《全民造星》參賽者的梁業(肥仔)、何啟華(阿Dee)、吳保錡(保錡)及郭嘉駿(193)將組成另一隊新男團ERROR,料將走騎呢搞笑路線。

肥仔領軍 搭保錡阿Dee193

不少人覺得肥仔有才華同表演天份,MIRROR無預肥仔並不合理,但原來ViuTV另有安排。ViuTV日前在官網宣佈ERROR成立,還播出一段發佈會的片段,片中肥仔、保錡、阿Dee同193盛裝出席發佈會,怎料去到現場發現舞台、佈景全都掛著MIRROR的照片,保錡、阿Dee同193見到忍不住輪流爆粗,193話:「X!又話簽我哋返嚟做一哥?Budget呢?」擔任隊長的肥仔更指住台上MIRROR的相片說:「唔好以為淨係得呢班契弟有歌,我哋呢班契哥都有歌㗎。」結尾他們還說4位實力偶像派,個個身懷秘技,又自封為騎呢cam爆男子組合,求大家多多支持。

短片推出後點擊率大幅超越MIRROR的片段,引發網民洗板分享,分分鐘比MIRROR更紅!

將踩場MIRROR演唱會 唱《一秒間》惡搞版

ViuTV製作部副總裁金廣誠接受媒體訪問表示,其實一早計劃分拆兩隊男團:「本來我哋想10幾個人喺MIRROR,花姐覺得呢個好嗰個又好,個個都想揀,所以最後我哋決定分成兩隊,ERROR個名係魯生(總經理魯庭暉)諗嘅,花姐做埋ERROR經理人,希望大家唔好話佢哋騎呢,佢哋係開心路線,一班好有理想嘅年青人。」

據知ERROR正在日本與花姐拍攝新節目《帶花姐去旅行》,至於今個月21號MIRROR在九展舉行的演唱會,ERROR都會踩場,據聞還會唱MIRROR新歌《一秒間》的惡搞版。

梁業(肥仔)、何啟華(阿Dee)、吳保錡(保錡)及郭嘉駿(193)組成男團ERROR。(圖片取自IG)
梁業(肥仔)。(圖片取自IG)
何啟華(阿Dee)。(圖片取自IG)
郭嘉駿(193)。(圖片取自IG)
吳保錡(保錡)。(圖片取自IG)

分享: