【殺手唔易做】龔嘉欣拍打戲受傷 腳縫三針

前年憑《幕後玩家》奪得「最佳女配角」、28歲的龔嘉欣,一改過去鄰家女孩的形象,接拍無綫劇《殺手》飾演職業殺手搏到盡,所有高難度鏡頭都親身上陣,拍了不足半年已經周傷瘀傷。嘉欣今日(30日)在Instagram再貼受傷相片,她腳上有一道好深的傷痕,她透露自己縫了三針。

嘉欣留言﹕「又傷了!但仍要撐住!今晚繼續!難不倒我!#縫了三針#動作戲#堅持#打女#傷痕#殺手」。不少網民留言都話好肉痛,胡定欣話﹕「頂埋佢。」 

據悉《殺手》下月尾煞科,嘉欣今日接受傳媒訪問時話係自己唔小心﹕「噚日拍打鬥場面,唔小心,踢飛腳踢咗落把槍度,因為着短褲,所以鎅開咗啲肉,嗰陣有消毒,不過止唔到血,不停換膠布都係滲血,收工之後去醫院,縫咗三針。」嘉欣之前都試過受傷,被木棍扑斷手指尾,搞到韌帶撕裂。嘉欣直言好痛,她說﹕「真心好痛,揸唔到車。因為我冇替身,同埋戲服全部都係bra top短褲,完全墊唔到pad,所以周身損。不過睇返啲片,覺得好值得,我冇諗過自己可以做到。」

龔嘉欣飾演職業殺手搏到盡,所有高難度鏡頭都親身上陣。(圖片取自IG)
龔嘉欣拍攝期間不斷受傷。(圖片取自IG)
分享: