與湯怡演情侶惹誤會 陳家樂向洪卓立道歉

洪卓立(Ken)與湯怡早前宣佈分手結束11年情,陳家樂被指是第三者。洪卓立曾出面澄清指分手不涉第三者,又指私下有同陳家樂道歉,表明不想拉任何人落水。陳家樂29日出席活動時,首次就事件開腔回應,他否認當第三者,指與湯怡兩次演情侶,「其實都冇乜特別」,他又指有跟洪卓立講唔好意思,因為自己搞到更加多人講呢件事,覺得唔係咁好。

否認當第三者 指傳聞「具創作性」

陳家樂首次回應自己被懷疑當第三者的事件,問到他有沒有安慰湯怡?他說:「我都冇講啲咩嘢,兩個都係我同事、好朋友,同埋都唔應該俾啲咩意見佢哋,自己都有搵過Ken。」他又否認當第三者:「呢啲咁具創作性話題就唔回應喇。」

陳家樂對於自己被捲入事件感到好無奈:「最近同湯怡拍咗三套戲,其中兩套仲做我女朋友,成日一齊合作、影相,其實都冇乜特別。」他說現在見到立立或者湯怡都沒有芥蒂:「見面唔會有尷尬,其實我哋都識咗十幾年,三個都係朋友。」他又指有跟洪卓立講唔好意思,因為自己搞到更加多人講呢件事,覺得唔係咁好。

陳家樂指因為自己令更多人議論洪卓立與湯怡分手的事,覺得唔係咁好。(圖片取自IG)

分享: