入行43年專演媽媽 吳浣儀:有得我做就得

19歲入行、現年62歲的吳浣儀,曾在劇集《孖仔孖心肝》飾演劉青雲與周星馳的母親,離開無綫後她的實力仍受到肯定,她在2015年憑《五個小孩的校長》嫻姨一角,入圍香港電影金像獎最佳女配角;今年拍ViuTV網劇《蝕日風暴》過足戲癮。

吳浣儀近日接受媒體訪問,自知天生面圓圓,個樣生得惡同巴渣,表示從不介意演媽媽角色﹕「我個樣生得成熟,唔介意,有得我做就得。以前星仔話『你大我8年,點做我阿媽呀?』我話『是但啦,我一路都做人阿媽㗎啦!』其實星仔仲大過青雲兩年,咪又係做青雲細佬。」

真心愛演戲 不為搵食只求好劇本

最後部劇好成功,浣儀姐覺得星仔應記一功,佢話﹕「好多戲係佢即場改,改埋你嗰份。我哋冇分前輩後輩,最重要搞好件事,觀眾出嚟鍾意。以前啲劇個底好,執少少就得。但現在成個劇本都冇得搞,咪算囉,照做囉,我聽佢哋(TVB人)講,哈哈。」 浣儀姐坦言如今接劇會挑選好劇本,即使只有幾場戲亦在所不計,她說﹕「我仲係好鍾意演戲,後生真係為搵食,現在仔女都大,我就可以選擇,一、兩日戲都唔緊要,最重要有得發揮。」

兩度離開無綫 曾入圍金像女配

吳浣儀曾兩度離開無綫,直認以前好任性,她說:「拍完《朱門怨》叫做紅咗,但無端端又搵番你做reception、伙記,條氣唔順,又拍緊拖」,便轉到佳視。24歲結婚後與老公一起打理旅行社,直至1987年重返無綫拍《季節》,之後又因亞視高薪挖角而離開。離開無綫後她的實力仍受到肯定,她在2015年憑《五個小孩的校長》嫻姨一角,入圍香港電影金像獎最佳女配角。今年拍ViuTV網劇《蝕日風暴》飾演儍姑一角,過足戲癮。

拍劇仍搖控督促 嚴母讓四子女成材

丈夫患肺癌數年間令家財幾乎盡散,吳浣儀要問朋友借錢度日,除鮑起靜,還有羅蘭借出20萬元解困。如今四名子女均學有所成,四個都在香港大學畢業,浣儀姐一臉自豪話﹕「大女做社工,二女揸飛機,7月剛升做機長喇(微微一笑),三女讀獸醫,四仔就係電訊公司做,職位都幾ok啦。」有四名孝順子女,浣儀姐現在可以安享晚年,所以「做又得,唔做又得」,她說﹕「夠使咪得囉,每人畀啲,發仔(周潤發)話齋撻住15蚊人字拖都幾舒服呀。」

浣儀姐自認是一位稱職媽媽,多年來拍劇日夜顛倒,但她無論幾忙都會督促子女讀書,佢話﹕「冇人鍾意讀書,所以真係要自細逼。成個小學我睇㗎,我拍嘢都會搖控,默書就用錄音機錄晒,叫佢哋撳出嚟聽住默,同佢哋講我拍完幾夜都會返嚟睇。我係幾惡嘅人,係嚴母,好臭脾氣,現在收晒火。」

吳浣儀坦言現實中的自己是嚴母。圖為其在港台劇集《手語隨想曲5》中的演出。(影片截圖)
吳浣儀34歲時在《孖仔孖心肝》飾演劉青雲與周星馳的母親。(網上圖片)
《朱門怨》令吳浣儀聲名大噪。(網上圖片)
吳浣儀2015年憑《五個小孩的校長》嫻姨一角,入圍香港電影金像獎最佳女配角。(網上圖片)

 

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟