明年生豬仔? 鄭嘉穎:開心過攞獎同中六合彩

鄭嘉穎與太太陳凱琳早前在Instagram宣佈成功造人。鄭嘉穎27日出席活動時與大家分享喜悅,心情大靚的他講定恭喜發財,他說:「心情開心過攞獎同中六合彩,難以形容,好喜悅非筆墨能形容」他指全家上下都緊張到不得了,又透露太太身體狀況一切正常,好友黃智賢就暗示陳凱琳這一胎係囝囝。

嘉穎早前第一次從超聲波睇到bb個樣,自言係一個難忘經歷,他都有向身邊朋友取經,因為身邊不少人都已經是爸爸。嘉穎直言「依家開心多過緊張。」至於問到這一胎是不是bb仔?他就說:「你問我太太啦,佢叫我唔好講咁多,交畀佢講。」他已計劃攞假陪太太生產,應該有機會入產房,但詳細如何仍未知道,而實際預產期他只肯透露係豬年,其他叫大家問太太。

將成為BB契爺的黃智賢,早前透露自己當日與鄭嘉穎兩公婆一齊去照超聲波,還大爆嘉穎一件搞笑事。話說當日嘉穎指住超聲波相問醫生:「嘩乜咁大條嘅?」醫生就回應,嗰一條其實係臍帶嚟架。

陳凱琳已知BB性別 暫不公佈

陳凱琳27日接受訪問時表示已經知道BB的性別,但想遲些才公佈。被問到係咪「好大條」?她笑言:「到時話你知!」。Grace又指會在香港生BB,方便家人照顧。懷孕後Grace的胃口也有變化,「我以前鍾意食甜,依家鍾意食鹹同中國菜,可能BB想要多啲營養。」

鄭嘉穎指全家上下都緊張到不得了。圖為二人結婚當天。(圖片取自IG)
鄭嘉穎早前在IG上分享喜訊。(IG截圖)
分享: