岑寧兒個唱播Ellen伴奏:其實佢喺度

岑寧兒一連兩場「Nothing Is Under Control Live 2018」演唱會25日晚圓滿結束,當她在台上準備唱盧凱彤(Ellen)編曲作品《空隙》前,台上樂手同伴唱先退台,舞台燈光轉暗,只有一盞藍燈,backdrop打上「Good Night, My Dear」,岑寧兒就在紛暗環境下唱出歌曲,伴奏音樂是Ellen生前所彈奏的結他錄音。岺寧兒接受訪問時表示,「rehearsal唱唔到(《空隙》),因為覺得佢唔喺度,後尾轉個心態,其實佢喺呢度,咁就唱到,好似可以再同佢一齊表演咁。」

與林二汶合唱《銀髮白》 深情擁抱

音樂會中,林二汶出場與岑寧兒合唱《銀髮白》,兩個人唱得非常投入,唱完再深情擁抱,二汶未講任何說話就離台。岑寧兒接受訪問時表示:「其實每次佢喺度,我就再安心啲,我好珍惜每一次同佢一齊唱歌嘅機會,好難得嘅好朋友,又夾到,大家有合唱歌,可以一齊唱 ,大家又鍾意。」她笑指因為同二汶只有一首合唱歌,所以只可以合唱一首,希望往後可以一齊開騷,唱自己鍾意的歌。

騷前發燒 日瞓20小時備戰

全晚歌與歌之間停頓時,岑寧兒不時有咳,又不停飲水。原來她此前發燒,「人哋騷前做運動,我就不停瞓,試過瞓廿個鐘,日日都瞓十個鐘以上,只可以用瞓覺嚟加速個病痊癒。」她說已經盡力去做好今次演出,投入去唱每首歌,好好彩可以好專心去唱歌,雖然冇換衫冇跳舞,但導演處理舞台效果做得好好:「令我可以好專心去唱歌,亦好多謝觀眾咁專心去聽,我知道我啲歌好靜好慢。」

臨完場前岑寧兒說:「相比起六年前同三年前嘅騷,今次有啲唔同,因為我個人大咗,其實自己好想講,我哋好多嘢係nothing is under control,但唔代表everything can be okay,正如好似夜晚,究竟黑夜係有幾長呢?但係大家只要相信太陽係會出嚟嘅。」
岑寧兒音樂會現場。(圖片取自IG)
岑寧兒與林二汶合唱。(圖片取自IG)
岑寧兒音樂會現場。(圖片取自IG)
岑寧兒音樂會現場。(圖片取自IG)

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟