與祖兒破冰合照 何韻詩:希望大家都過得好

何韻詩日前接受電視台訪問,宣傳聖誕節在科學園舉行的戶外騷。提到早前到日本為好友黃耀明音樂會撐場,與同場的容祖兒那張「世紀破冰」合照引起大眾熱議。阿詩大方回應:「冇諗過明仔會Post出嚟,以前可能會比較執着同會有顧慮,但大家都一把年紀,冇乜所謂啦!原來咁少嘢就可以集體地開心,既然大家見到張相咁開心,我都替大家開心啦!」

好多fans睇完張相之後都話冷靜唔到,覺得畫面好震撼,問到阿詩現在與祖兒的關係怎樣?阿詩坦言:「隨緣啦!我真係希望大家都過得好,係咪好感性呢,但係真!」

提到做老闆兼要做音樂創作,阿詩覺得現在的生活模式好吃力,覺得時間不夠用:「我每日就好似過住OL生活咁,要坐寫字樓做嘢,因為太多嘢做,可能我唔夠叻,唔能夠左右腦同時用。」

好多fans見到二人的破冰合照都話覺得好震撼。(圖片取自IG)

分享: