達哥豪遊日本 杜小喬嫌嘈:下次想同伴侶去

杜小喬與林慧韡(達哥)兩位早前接受ViuTV邀請拍攝旅遊節目《堅離地》,豪遊東京及近郊地區8日,坐直升機睇風景、嘆每杯價值14萬港元的雞尾酒,他們坦言與平時旅行的方式差很遠,笑言自己係大鄉里,完成整個拍攝旅程後,返到香港即打回原形回歸現實。

旅程中他們坐直升機在迪士尼附近高空盤旋,飽覽整個日本的風景,杜小喬好鍾意呢個體驗,之後自己旅行都想再試:「下次我就想同伴侶再去,咁樣會浪漫啲,雖然我同達哥都好開心,但好嘈。」

獻出第一次 達哥獨自浸溫泉

達哥指今次旅程去得最多的地方係銀座,平時「俾唔起錢,只能夠window shopping」當地一支水竟賣一萬日元(約700港元),達哥試過覺得不外如是,「第一下飲就諗唔係呀嘛,俾著你乜嘢山嘅清泉礦泉水,都唔使去到呢個價錢,佢個包裝盒同樽都望落似神之水滴,但係飲落,我同杜小喬都質疑我哋嘅味覺,因為飲落feel唔到神奇,係咪我味蕾未夠或道行未夠,唔能夠感受唔到?」他們還嚐過全球最貴的雞尾酒,每杯盛惠200萬日元(約14萬港元),大開眼界。

杜小喬:「真係好難得有呢啲機會,日本人連種植生果都好有研究,連批蘋果嘅方法都好講究,本來我都想買啲生果俾媽咪食,但係實在太貴喇!我都係買啲平時嘅,返嚟試下用佢哋方法批皮。」

達哥因為這次旅行首次在日本浸溫泉:「我破天荒冇著衫,好少騷肌肉,個景出面開放式,天人合一感覺,係一個好好回憶。」包場自己一個人浸飽覽山景,確係有霸氣。

杜小喬與達哥拍攝旅遊節目,豪遊東京8日。(圖片取自IG)
杜小喬與達哥坦言與今次旅程與平時的旅行方式相差很遠,笑言自己係大鄉里。(圖片取自IG)
女神配宅男,這個組合令人期待。(圖片取自IG)

分享: