與羅力威婚後重拾興趣 雨僑盼開畫展

雨僑20日出席視障學童的畫展,她接受媒體訪問時表示,她希望同學生一齊畫畫,佢說:「讀書時都有修讀美術,但就畫植物,成長後想以畫畫做職業為生有難度,現時有正職,希望可以開畫展。」佢仲話老公羅力威十分支持,原來過往雨僑都好浪漫,曾經送過唔少親自畫嘅卡俾老公同好朋友,從而慳唔少錢,佢話:「人哋投資就買手袋,我就通常去買畫具。」

雨僑近日除了畫畫亦重拾書法,過住少奶奶生活,將生活節奏調慢,準備造人,佢話:「造人計劃都係同步,依家係興趣可以拎返出嚟,以前工作第一位,依家覺得生活熱情都好重要。」雨僑透露前日在鬧巿行街仆倒,要身邊的人扶起,老公施展風度一面,話可以孭住她,最後她拒絕了。

雨僑讀書時修讀美術,希望將來可以開畫展。(圖片取自IG)

分享: