【鄒文懷追思會】唐季禮感激扶持:輸都會投資

一代影壇大亨鄒文懷先生本月初離世,享年91歲,橙天嘉禾今天於紅磡嘉里酒店,為鄒文懷舉行追思會,出席包括王晶、唐季禮、劉偉強、關錦鵬、楊受成、林建岳等。

獲鄒文懷提攜的唐季禮專誠由內地返港出席追思會,唐季禮說:「兩年前跟鄒文懷見過面,鄒生永遠笑笑口,對任何人不會大聲講嘢。我91年加入嘉禾,當時自己係新導演同鄒生見面,佢俾我拍成龍大哥嘅《超級警察》,佢一路支持我哋,佢係一個好好先生,好有品味,不論高爾夫球、紅酒同車,見佢揸住架波子,印象好深刻。」

唐季禮好感激鄒文懷對後輩扶持,佢話:「我曾經問過鄒生,點解睇落會輸嘅電影都投資,佢話自己唔係上帝,唔會知贏輸,佢覺得年青導演好熱情同衝勁,所以好願意做,俾機會佢哋,佢話如果一定要贏先投資,就唔係電影人,我好感激佢。」

嘉禾電影創辦人鄒文懷。(資料圖片)

 

 

分享: