鄭秀文:天生注定不是母親

鄭秀文(Sammi)與楊千嬅為好友梁詠琪的童裝店擔任揭幕嘉賓,Sammi今日專登撐好友,她話:「童裝用嚟送禮,自用就冇乜用,我呢啲不生育的人。每次揀童裝都好躊躇,唔知揀咩,最驚size唔啱,多數白色唔會錯,最終噚晚我都係打畀Gigi叫佢幫我揀,我真係天生注定不是母親,入到童裝店就毫無頭緒,入咗迷幻森林咁。」

Sammi又說:「Gigi都有問我見到啲衫咁得意想唔想生返個,我唔會因為童裝得意就生,咁兒嬉,但會幫襯大手入貨送禮。」 Sammi直認沒有生意頭腦,不是投資材料,收工後最好不須用腦,暫無意從商。

Sammi同安仔早前結婚五週年紀念,人稱木婚紀念,Sammi一聽到話:「你哋又知嘅,木婚,木口木面?食飯算唔算慶祝,呢啲日子反應唔太大,只同兩位至親四人一齊食飯,大家身體健康好感恩,禮物都唔好送,食飯仲開心。」

鄭秀文、楊千嬅為好友梁詠琪的童裝店擔任揭幕嘉賓。(圖片取自FB)
分享: