洪卓立為湯怡平反:仍然相信愛情

洪卓立與湯怡宣佈結束11年情,引起大眾熱議。洪卓立今日出席活動,受訪時心情明顯不大好,但仍強撐笑容拍照。他強調湯怡絕不是貪慕虛榮的人,強調自己仍然相信愛情。他指公佈分手後,「大家都有唔同反應,影響咗大家對Kathy(湯怡)嘅觀感。有啲人就話我哋距離越來越大,話佢貪慕虛榮、紅咗少少就飛咗我。」說到這裡,洪卓立忍不住痛哭,稍歇一會才可說下去。

陪伴經歷大病 強調絕非貪慕虛榮

他強調湯怡絕不是貪慕虛榮的人,並非因為女方走紅而提分手,「我哋一齊十一年。一齊嘅時候,我係第一隻碟都仲未出。中間又經歷過大病,亦經歷好多困難。如果佢好似大家所講咁樣,其實佢有好多機會可以同我分開。」

「我哋一齊度過咗好多難關。至於電影,佢做咗主角,呢樣係我哋兩個都覺得係好好嘅機會。至於另一樣嘢,就係講到結婚。呢樣嘢係我哋兩個都有共識,覺得係35歲之後先至踏入另一階段,唔會係呢幾年發生。所以並唔係大家所講,我唔肯娶佢、佢唔肯嫁我,唔肯結婚所以分開。我諗係大家(公眾)對愛情嘅睇法唔同。」

問到會否為報道感到心痛?他稱:「作為朋友,見到身邊人俾人咁樣講又好,一定會唔開心。有朋友問我點解一定要公開呢件事(分手),我覺得大家一直見住我哋成長,我都希望有個交代俾大家。」

「見到有啲留言話,見到我哋咁樣,就覺得呢個世界再無童話。我覺得每個人對愛情睇法都唔同,每個人都係獨特嘅。至少,至今,我仍然係相信愛情。」

洪卓立強調自己仍然相信愛情。(網上圖片)

分享: