洪卓立向陳家樂道歉 分手不涉第三者

洪卓立與湯怡宣佈結束11年情,引起大眾熱議。洪卓立今日出席活動時為湯怡平反,指兩人分手並非因為婚期存分歧,亦不是因為女方事業漸上揚而提分手。洪卓立受訪時一度激動落淚,須暫時中斷訪問,他說,到現在仍然相信愛情。對於陳家樂被指是第三者,洪卓立指「私底下有同陳家樂講聲唔好意思,我冇諗過要拉任何人落水」。

與湯怡因了解而分開

網上近日瘋傳湯怡有第三者,除了陳家樂外,Eric So(蘇卓航)胞弟Gavin亦因為被揭與湯怡穿同一款情侶跑鞋,而被指係新歡。

對此洪卓立表示:「近日亦都有啲新聞已經發酵到話Kathy有第三者,同埋Eric So個細佬Gavin,其實我私底下有同陳家樂講聲唔好意思,我冇諗過要拉任何人落水。」

「睇番網上啲相,十張有九張都係關於工作嘅。我睇落就冇問題喇。如果佢有planning做呢件事,咁佢就唔會咁張揚。我明白大家都好關心我哋,但希望大家冷靜少少。」

至於分手原因,他稱:「冇第三者,細節就唔講喇。十一年,唔係簡單十一句,或者十一分鐘講完就可以令大家明白。只可以講大家係因為了解而分開。」

立立表示,現在心情還可以,但如果話自己冇事,「咁就係呃你嘅。當然仍然有唔開心。」問到再與湯怡碰頭會否尷尬?立立說:「其實我哋關係好好,我哋溝通。目前係好和平。上星期我返公司都見到(湯怡),有打招呼,我哋係冇嘢嘅。」

對於陳家樂被指是第三者,洪卓立指私下有同陳家樂講聲唔好意思。(圖片取自IG)

分享: