《全民造星》第二輯料為MIRROR增女成員

ViuTV《全民造星》參加者組成的男團MIRROR將於1221日假九展舉行演唱會,門票今日公開發售。身兼《全民造星》監製及MIRROR經理人的花姐(黃慧君)表示,「MIRROR會仿效日本組合AKB48模式,Keep住每年舉行《造星》發掘新人加入MIRROR,而且未必一定係男仔」,她更親口,「團員成績好,會有畢業單飛嘅可能。」
花姐指最初只打算搞偶像夢想真人騷,去到50強發覺好多囝囝有潛質就同公司提議組男團,多得ViuTV董事兼總經理魯庭暉同製作部副總裁金廣誠,講明賺錢之餘想為做番啲嘢

盼成樂壇歷史 參考AKB單飛模式

有公司支持,花姐決定將MIRROR大搞,「下年會再搞《造星》,但未必係男仔,因為我都希望MIRROR唔係一個組合咁簡單,係一個樂壇嘅歷史,好似AKB咁,訓練一班有夢想嘅人加入,舊有成員會個別發展,咁樣可以幫多啲人入行,將呢個精神傳落去。」

好多人疑惑點解唱得又多Fans的姜濤及Ian不作個人發展?「以佢哋依家嘅實力,究竟可以行得幾遠?MIRROR有咁多資源,同埋咁多兄弟支持,儲多啲經驗同彈藥,將來會有實力行遠啲,實際過依家趁有個勢就行出去。」

強調香港特色 BOYZ草蜢學習

作為香港首個以12人組成的男團,當然也不免會被拿來跟向來以多人為主的日本和韓國團體作比較,他們有否以哪個團體為學習對象?成員Jeremy認為他們應該有自己的特色:「我哋係香港嘅男團,所以想有返香港嘅特色,有我哋自己MIRROR嘅特色。無話想仿效或者模仿邊個,大家都有唔同嘅優點。我哋香港都有㗎,BOYZ、Twins、草蜢呢幾位大前輩都係我哋嘅學習對象。」

姜濤:未收到100萬獎金

問到邀請表演嘉賓?一眾成員表示已請現時韓國讀書「細貓」應智越同「肥仔」梁業。問到邊個畀機票錢?Lokman話或者大家夾錢,但Edan笑指應該由隊長Lokman畀。其實姜濤贏咗100萬奬金,應該佢畀,大家即刻你一言我一語:「有道理喎,心水清。」Anson Kong笑住話:「可唔可以買多張我去韓國呀?」姜濤表示仲考慮緊點用呢100萬,因為佢指呢筆奬金「仲未完成交易」。

(左起) Jer(柳應廷)、Edan(呂爵安)、Anson Lo(盧瀚霆)、Anson Kong(江熚生)、姜濤、Lokman(楊樂文)、Ian(陳卓賢)、Tiger(邱傲然)、Alton(王智德)、Jeremy(李駿傑)。(圖片取自FB)
男團MIRROR在記者會上。(圖片取自FB)
Mirror早前與粉絲們大合照。(圖片取自IG)
分享: