《特警新人類3》成真? 吳彥祖:想預埋馮德倫

近年美國生活,甚少香港露面的吳彥祖,13日晚為其主演的電影《限期破案》在江門進行開鏡儀式。吳彥祖接受訪問時坦言「好掛住香港同埋香港嘅拍攝方式」,更透露早前到希臘為好友謝霆鋒的真人騷《鋒味》做嘉賓,二人有意趁《特警新人類》二十週年,開拍第三集,「想預埋馮德倫,依家係《特警老人類》。」

談到今次重投亞洲電影懷抱, 吳彥祖話:「好掛住香港同埋香港嘅拍攝方式,好efficient(效率高),亞洲製作權力喺導演身上,外國就好多細分,有啲唔慣,每兩集換導演,大家唔會有好長久嘅關係。雖然拍美劇都好玩,但自己香港出身,我好尊敬香港電影,其他地方拍唔到香港嘅味道,我好掛住。」

笑言「依家係特警老人類

吳彥祖妻女沒有同行,他指自己已為剛入讀幼稚園囡囡報了中文學校,我唯一後悔細個冇學好中文,唔想阿女大個後悔。」

吳彥祖早前到希臘參加好友謝霆鋒真人騷《鋒味》做嘉賓,佢話:「 三、四年冇見佢,再聚頭都講番好多以前做o靚仔時候嘅回憶,好touching,我冇喊,有眼濕濕,大家都有傾合作,想開拍《特警新人類3》,今年係套戲二十週年,想預埋馮德倫,依家係《特警老人類》。」

特警新人類1999年上映陳木勝執導,謝霆鋒馮德倫李燦森吳彥祖葉佩雯等主演,《特警新人類2》由陳冠希擔正,更有《蟻俠》(Ant Man)男主角、美國男星保羅活特(Paul Rudd)參演。

《特警新人類》是不少人的集體回憶。(網上圖片)
分享: