41歲楊卓娜慶生 網民讚似少女

藝人楊卓娜(Lenna)日前慶祝41歲生日,老公楊志翹為她安排生日派對,她在社交媒體留言:「好開心的一個生日Party!多謝我的家人及朋友為我慶生!也謝謝大家的祝福!」放上網分享的相片中,卓娜只讓細女出鏡,其他親友就被emoji遮樣變成豬同狗,不過妹夫羅仲謙一身爆肌身形藏也藏不住,很多網友一眼已經認出。網民除了送上祝福,還大讚佢Keep得好一啲都唔似41歲,仲好有少女味呀!

妹夫羅仲謙身形fit遮不住

Lenna2001參加香港小姐但落選,星途未如妹妹楊怡出眾,2009年嫁「廣告燈箱大王」楊志翹,生囡囡舒然。由於丈夫早年喪妻,遺下兩個女舒婷同舒雅,後來卓娜成為兩位小朋友手工藝老師,繼而認識現任老公。

大合照中,卓娜將部份家庭成員個樣用小豬同小狗遮住,非常搞笑,得番細女舒然出鏡。不過,小豬小狗都不算難認,尤其兩位大隻男士,其中一位係妹夫羅仲謙,另一位就係楊卓娜老公楊志翹。楊志翹片段中表現得好興奮,舉晒V唱生日歌俾老婆聽,真係冧到爆。而卓娜二女舒雅都有後母影合照,卓娜向來都話會視兩姊妹如親生女兒,一家人相處融洽。

大合照中,卓娜將部份家庭成員個樣用小豬同小狗遮住。(圖片取自微博)
楊卓娜被讚Keep得好一啲,都唔似41歲。(圖片取自微博)
分享: