何東舜銘女兒闖娛圈:父親如陌生人

再有星二代強勢殺入娛樂圈,息影藝人陳復生與何東舜銘的女兒麥景榕(Michel)為無綫資訊節目《一帶一路醫藥行》擔任嘉賓主持,樣子清秀甜美受到關注。剛畢業於港大法律系、24歲的Michel被問到與父母的關係,坦言自己從小由外婆,與媽咪情如姊妹,相反對爹哋則如陌生人,揚言對他毫無印象,已九年冇見面,亦不渴望相聚。

港大法律系畢業 清秀似劉亦菲

有「律師版劉亦菲」之稱Michel問到是否有意做幕前?她說:「我未試過其他嘢,但做主持好好玩,都想試演戲,讀書時有人搵拍戲,但我想專注讀書先。(如果入行會唔會浪費讀咁多年法律?)我都唔知點選擇,律師我都鍾意,所以會試吓先。(兩者兼顧?)我係比較專注嘅人,會一樣樣嚟。」

對於一般家庭,Michel的家族比較複雜,嫲嫲十姑娘何婉琪堂弟何鴻章的戀情,或與胞兄何鴻燊的爭拗曾被大肆報道,加上2009Michel父母離婚,之後還對簿公堂,她自認家庭背景某程度上與眾不同,但完全沒有影響成長:「由細到大都同婆婆、太婆住,就算爹哋媽咪未離婚都係。(冇同父母住唔覺奇怪?)當你一出世就咁樣,就唔覺奇怪,我覺得係特別,同其他小朋友相比,某程度係幾與眾不同。(爹哋家族有冇令你有壓力或者無所適從?)咁又冇,婆婆有咩都會同我解釋,同埋我每日都會見到媽咪,爹哋就由細到大都少見,對佢冇咩印象,佢哋離婚後都冇見過。」

不跟父親改姓 「佢有佢選擇」

提到父母的離婚財產官司,她表示從沒有給予意見,並說:「我讀法律,但唔揀讀離婚官司,對呢方面冇咩興趣,亦冇留意佢哋官司,媽咪有自己嘅律師團隊。」

父親本來叫麥舜銘,後來改姓何東。被問到會否跟隨父親改姓,Michel說:「佢有佢選擇,佢鍾意改就改,但對我嚟講只係一個名、一個稱呼,我冇諗過改,到依家都叫麥景榕。」提到嫲嫲何婉琪,Michel說:「以前都有見,同佢食飯,佢喺我心目中永遠都係咁靚,而且好和善、好錫我。」並坦言十分掛念嫲嫲,對她的離世亦是從報章上得知,感到難過。

Michel樣子清秀,有「律師版劉亦菲」之稱。(圖片取自IG)
Michel為無綫節目擔任嘉賓主持。(圖片取自IG)

 

Michel與媽媽陳復生(中)及婆婆合照。(圖片取自IG)
Michel與媽媽陳復生(中)及婆婆合照。(圖片取自IG)
何東舜銘。(資料圖片)
分享: