堅拒回巢無綫 駱應鈞:已睇通潛規則

邵氏年代出身今年65駱應鈞(Sir), 入行逾40年演出過許多經典角色,《射鵰英雄傳》中的東邪黃藥師,可謂駱Sir的代表作之一。他2011年離開無綫後過檔港視(HKTV),可惜港視不獲發牌,演出的劇集無緣在免費電視頻道播放。現時主力返大陸拍網絡電影的駱Sir,被問到會否回巢無綫,他堅決拒絕﹕「唔會喇,唔會返去嗰邊,依家適應咗自顧生涯。」

Sir透露無綫找過他45次,「據聞當初(召回家)剩係開兩個名,我係其中一個。」駱Sir無綫多年,睇通潛在規則點玩,佢話﹕「我哋太熟個制度,邊啲可以做邊啲唔可以做,邊啲聽咗唔可以當真,邊啲可以當真。有時個監製話搵你演,但佢上面仲有上司,變咗完全冇刺激、冇新鮮感,樣樣事已知就唔好玩。」

透露配角辛酸 「點捱嗰種通告

問到如果有好劇本角色,會否改變主意?駱Sir笑笑口話﹕「你覺得好正嘅,可能我唔係覺得咁正嘛。同埋我點捱嗰種通告……我解釋詳細少少,例如你係主角,今日15場,但我係配角,佔你1/3啫,但喺15場係1391015,得45場都『揼』咁耐時間,慣例主角第二朝唔使開第一場,畀佢唞一、兩粒鐘,咁其他人去攝,呢個情況配角多數又中梗,咁大家辛苦程度唔會差好遠。」

受累發牌風波 怒轟政府搬龍門

提到港視發牌的風波,駱Sir非常唔順氣,認為是前屆政府曾蔭權與上屆政府梁振英之間的問題,鬧爆政府搬龍門,搞到香港撕裂,「唔發牌畀佢係因為可能個市場承受唔到咁多,我唔想佢蝕錢。關你咩事?商業社會,依家街上有條友話用500萬租個舖,唔通你話唔租呀?怕你蝕?唔係咁樣嘛,不嬲香港嘅遊戲規則唔係咁,但佢就係將個遊戲規則改變咗。」

懷念邵逸夫年代 不幻想當主角

Sir話邵逸夫年代無綫最好玩,「以前自由度大啲,好似當年吳孟達拍《新紮師兄》,原本set咗角色係老差骨,hea住做唔起勁,但佢唔鍾意,自己設計到好有威嚴」

問到多年來有冇諗過要做主角?佢話﹕「我又冇,有啲人恨,因為當時佢哋抱住嘅觀念,只有做主角先有優待同人工高啲,但o依家新人出嚟,就算你做主角,可能都係全組人工最低嗰個,我份人比較實際,唔會幻想。」

問及最滿意演出過的哪個角色?駱Sir就說:「未有住,我份人過咗去就算,但我拍戲好少失手,會加少少嘢令到個角色冇咁悶。」但如果剩記角色,唔記得駱應鈞又會唔會好失望?佢話﹕「都慣咗,人哋能夠記得你戲入面角色應該好感恩,好過有啲人面目模糊到乜都唔記得,咁諗會舒服啲。」

主力大陸拍堅持講廣東話

時代轉變,年輕一代有時唔識尊師重道亦令佢萬般感嘆,佢話﹕「係大陸拍嘢,人哋會叫聲你『老師』,但香港就唔可以擺個『老屎忽』款出嚟,因為冇人會appreciate(欣賞)你做得咁耐,尤其後生仔,咁當然未必個個都係。」

主力大陸拍網絡電影,但駱Sir堅持講廣東話,解釋:「我堅持㗎,如果用普通話講台詞,會打亂我(演戲)節奏。其實我溝通冇問題,但講得唔流利(普通話),好多人差過我一萬倍,難怪依家都少搵香港演員。」

駱Sir入行逾40年演出過許多經典角色,堪稱「綠葉王」。(網上圖片)
駱Sir飾演的金毛獅王令很多人印象深刻。(網上圖片)
駱Sir飾演的「東邪」黃藥師。(影片截圖)
駱Sir與當年合作《壹號皇庭》的一班老友。(網上圖片)
駱Sir與姜皓文合作的港視劇集《夜班》。(影片截圖)
分享: