嫁到大馬20年 張鳳妮拒復出:死得人㗎

今年52人稱鳳梨的張鳳妮離開娛樂圈,嫁大馬做少奶奶20年,為富商老公傅仰峰生下3個女。鳳梨上個月返港出席前無綫金牌監製潘嘉德70大壽,她接受媒體訪問時,談到景黛音和李婉華也相繼復出拍劇,她可有興趣復出?她笑說:「我哋呢啲50幾歲,0628(即朝早6點拍到凌晨4點)真係唔得,死得人㗎,玩吓幾集就OK嘅,如果啲對手我鍾意嘅話。」

曾演《天地男兒》 志願是做好媽媽

張鳳妮1987贏得香姐最受歡迎佳麗獎拍過《他來自江湖》、《餐餐有宋家》、《天地男兒》等無綫劇集,雖然上過一線做女主角,但始終未能大紅大紫,風頭比不上同期的李美鳳、邱淑貞、楊寶玲等加上入行以來沒有花邊新聞,演藝生涯一切都是平平穩穩,平平淡淡。

鳳梨坦言對此並不介懷:「因為我冇乜野心,佢哋(無綫)擺我邊我都做,做呢行唔可以pea住嚟做,你比我做,我做到最好,希望你可以睇到,變咗你會比更好嘅嘢我。觀眾唔受都冇得爭、冇得去求,而且最終我想做嘅係阿媽、老婆,真正嘅家庭主婦,我志願係做個好媽媽。」

參選港姐因嚮往出埠拍攝

鳳梨參選港姐前任職秘書,當年港姐第一次出埠拍外景,她正正就是被衝出香港到泰國布吉拍外景的港姐宣傳廣告吸引;當年亦是港姐首次以超性感比堅尼示人,鳳梨坦言「初初有少少抗拒,出嚟都唔係好自在……不過好玩嘅」,參選港姐是人生一個好好的回憶。

初到大馬難適應 「悶到你嘔」

鳳梨是《嫁到這世界邊端》藝人版,嫁去大馬20年,她說早年生活難以適應。「嗰時電視得兩個中文channel,悶到你嘔,所以嗰時租TVB啲錄影帶返嚟睇,好悶好悶,所以咁快趣有細路仔,有咗細路仔,出邊世界係點你都唔會理。」

賢妻愛煮飯 成屋cook book

鳳梨1996年離開無綫,後來去了大馬發展拍劇,在當地認識了老公,然後息影結婚生女。老公傅仰峰是大馬富商,但鳳梨卻否認自己是少奶奶,指自己「係一般家庭主婦,一樣煮飯,我又鍾意煮飯,由以前做呢行鍾意睇fashion book ,而家就成屋cook book為了只煮給孩子食,後來發覺烹飪好好玩,細路仔話畀我知佢鍾意邊個餸,我會好開心。」

張鳳妮嫁到大馬做少奶奶20年。(影片截圖)

 

張鳳妮上個月返港出席潘嘉德大壽。(資料圖片)
張鳳妮1987年贏得香港小姐最受歡迎佳麗獎。(資料圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟