馬德鐘否認整容:食素消水腫減20磅

馬德鐘近年主攻內地市場最近回港宣傳新劇《跳躍生命線》,因為樣貌越來越年輕被指整容近日接受媒體訪問,整容傳聞一笑置之,指因茹素近九個月而瘦了20磅,難怪弗到爆!

拍《跳躍生命線》感悟人生無常

他說:「依家靠植物性化學治療,即係食多啲植物、茹素,選擇食健康、有營養嘅食物,盡量少食肉類。」食素係因太太而起,覺得好健康,同埋拍《跳躍生命線》讓他對人生有感悟,身邊有朋友患癌、過身,覺得人生好無常,健康好重要,大概食咗素九個月,感覺成個人好輕鬆、好精神,身體好好。」

馬德鐘現在的身形明顯比以前更弗,樣子亦更年輕。對於整容的傳聞,他笑說:「唔會嬲!通常畀人講完整容都會好Hit,自己知唔係咪得!因為瘦咗冇晒水腫,隻眼睇落都大咗。」

近年主攻內地 對港情意結

馬德鐘現時基本上在家一日三餐都茹素,在內地拍劇時亦會親自下廚,但朋友聚會或應酬時也不會完全戒肉,他說:「雖然唔食肉,但其實每餐食得好飽,唔係淨係食菜,會食菇類、豆類、水果,白米就少食,會改為食意粉、通粉、藜麥,我哋唔係為咗減肥而淨係食菜,只要有足夠營養,食素就唔會唔夠體能,開始咗之後都冇乜病痛,感覺好好。」

馬德鐘無綫劇集《跳躍生命線》中扮演救護員,大受觀眾歡迎。拍攝時正值夏天,演員穿着制服熱上加熱,他笑言在無綫長大已習慣:「反而好開心全廣東話拍劇,呢個都係情意結,呢套係好重香港味道嘅劇,喺內地唔會拍到。」

馬德鐘樣貌越來越年輕。圖為其與張曦雯合照。(圖片取自IG)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟