為新劇戒水練腹肌 54歲黎耀祥:冇下次

近排為應付新劇打戲而積極鍛煉黎耀祥26出席活動,他透露已操到有胸肌及腹肌,「我重演三十幾年,除衫就試過,但係未試過騷胸肌腹肌,今次係最後嘅死亡任務。」為了出鏡時肌肉線條效果更明顯,祥仔聽陳豪教路,出鏡前兩日唔飲水,令身體收乾,他坦言過程非常辛苦。

劇中不時需要打鬥及追逐,導致膝蓋軟骨發炎,即使辛苦,祥仔覺得值得,私下亦有影相留念,但明言冇下次,因為54歲嘅祥仔覺得自己歲數唔細

笑言老婆愛不惜手

問到囝囝有否被感染操弗?佢話︰「有喎,因為佢覺得爹哋過咗五字,仍然咁有恆心去做一件事,所以佢都想操,如果個仔想我陪佢一齊做運動,我都會,因為咁樣會有動力。」問到太太見到弗爆嘅你反應如何?祥仔展現滿意笑容話︰「愛不惜手。」祥仔笑指韓國有大叔熱潮,希望借代言品牌打入韓國市場。

黎耀祥為拍攝新劇的打戲而積極鍛煉。(圖片取自黎耀祥IG)
分享: