【苟姑娘已婚?】苟芸慧秘嫁陸漢洋! 9月於加拿大辦驚喜婚禮

圖︰35歲苟芸慧早於9月18日「靜雞雞」做人妻,與老公陸漢洋在加拿大結婚。

35歲苟芸慧上個月已成人妻!苟芸慧(苟姑娘)同老公陸漢洋(William),9月18日已在加拿大舉行婚禮,並將於本星期五(19日)在香港補擺喜酒。

有長輩未能來港 老公古堡辦婚禮

苟姑娘婚前返多倫多,係因為有長輩未能來港出席婚禮,希望先帶William拜見長輩盡禮數;William知道後,即偷偷安排一個驚喜畀苟姑娘;知道佢一直想於古堡行禮,仲鎖定咗多倫多唯一古堡辦婚禮!William搵來未來外父、弟弟同加拿大認識超過20年嘅舊同學Andrew同Tom幫手,仲有加拿大嘅契姐Winnie陪佢炮製驚喜。

當婚禮舉行時,苟姑娘喜極而泣;宣讀誓言時,更流下開心淚水!苟姑娘話:「婚禮嗰日早上,原來佢將婚紗帶到多倫多,我哋去了影相,我仲以為只是去影結婚相,心諗呢個應該係佢畀我嘅驚喜了。之後我哋去到婚禮現場,才知道原來真係一個婚禮!」William仲於婚禮上獻唱《Nothing’s gonna change my love for you》,好感動呀!

而William就話︰「好感激上天嘅安排,我哋希望見到啲朋友都能夠出席,我和Christine都好開心。」佢仲話,二人已經註冊,係合法夫妻喇!

分享: