【嫁到這世界邊端明星版】呢啲香港女星 婚後都隨丈夫到外地生活……

圖︰大家仲記唔記得呢班嫁到海外嘅香港女星呢?(網上截圖)

當大家睇《嫁到世界這世界邊端2》睇到喊晒,仲記唔記得以下呢班嫁到海外嘅香港女星呢?佢哋婚後亦到咗外地生活,冇再留喺香港娛樂圈發展,過住不一樣的生活……

李婉華 (加拿大)

現年44歲的李婉華曾為TVB演員,參演過外部劇集及處境喜劇。2001年中,佢同加拿大籍股票經紀人李守正交往,至2003年結婚生女,並於09年10月誕下雙胞胎兒子,至今育有兩子一女。李婉華婚後正式退出娛樂圈並移居溫哥華;現時為新時代傳媒集團旗下藝人,為加拿大中文電台AM1470主持節目。最近TVB播出嘅重頭劇《再創世界》,李婉華亦有特別演出,於第8集登場飾演鄭思妤(鍾嘉欣 飾)嘅同事。

葉玉卿 (美國)

葉玉卿為85年亞姐季軍,亦係香港著名女演員同歌手,葉玉卿95年認識華裔商人胡兆明,二人拍拖3個星期就傳出婚訊;她亦逐漸淡出幕前,只間中擔任司儀等工作。二人於96年結婚,婚後葉玉卿正式退出影壇、移居美國,協助丈夫打理超級市場(香港超級市場)業務;同時任家庭主婦,照顧兩子一女。據報道,葉玉卿一家五口居於紐約長島嘅12畝百年古堡式莊園,屋企仲有高爾夫球場、室內外泳池同影院㗎!

石天欣 (美國)

石天欣當年曾被指為TVB稱為「強姦受害者」,她於16年7月嫁畀美國任職市場營銷嘅老公Jacob,婚後隨老公到美國生活,但就曾經於受訪時直言唔慣當地生活,更被傳媒發現佢回港探親時變「刀削面」,體重得返90磅呀!因為移居美國要坐一整年「移民監」,一年冇得返香港真係思鄉病都出埋嚟。佢又曾經拍片分享自己唔慣美國生活,包括︰當地人唔鍾意用紙巾、去餐廳食嘢要等服務員行到先可點餐、住喺千呎木造大屋好冇安全感等。

李美鳯 (台灣)

李美鳳為87年港姐亞軍及最上鏡小姐,先後做過演員同歌手,前夫係林敏驄。1996年李美鳳再婚,改嫁台灣富商鄭翔中,其後誕下一對龍鳳胎,過住幸福少奶奶生活,專心相夫教子。李美鳳曾經話︰「做媽媽做得好快樂!」佢會同一對龍鳳胎仔囡,打tennis、滑水,更收過仔囡嘅情信呀!人稱「電眼美人」嘅李美鳳仲話,等仔囡大個先考慮復出,仲話唔介意做「甘草演員」娛樂大家。

蔣雅文 (台灣)

蔣雅文(Mandy)曾經係英皇娛樂旗下歌手,2014年底,佢同來自南投嘅設計師朱經雄喺台北登記結婚,連結婚戒指都是後補嘅,當時佢哋都冇咩錢,婚後Mandy成為台灣人妻,同老公拍住上、一齊捱。經過多年努力,Mandy於台北、花蓮兩地分別開設名為「心地日常」的兩間文青雜貨店,賣自己設計嘅產品、湯圓刨冰,以及於港台兩地嘅「手作設計師」作品。回想10年前出走台灣,派過傳單、送過外賣、做過侍應捧餐,如今Mandy終於有自己嘅品牌同家庭,更被封為「第一代文青女神」呀!

分享: