【4月高調分手】張建聲「翻撻」崔建邦舊愛 陳嘉莉FB貼圖話「封口」!

圖︰張建聲與陳嘉莉今年4月先高調分手,最近二人又被拍得甜遊曼谷,事後陳嘉莉貼圖封口,男方就留言貼心心!(fb截圖)

張建聲與「崔建邦舊愛」陳嘉莉(Kelly)相戀兩年,不過到今年4月,張建聲高調於網上宣布二人已分手。男方更被爆一方面有第三者「籃球女神」方泳琳,同時又暗追松岡李那;不過兩段情緣都「火速玩完」!事隔半年﹐張建聲被拍得與Kelly遊曼谷回港「斷正」,二人更夾好口供咁話戀情「順其自然」。

日前(8日),Kelly在facebook貼出一張黑白靚相,用圖案留言示意「封口」,張建聲就好快用心心圖案留言,真係好同心呀!

被拍得去完旅行後雙雙回寓所

雖然當事人「封口」,不過有圖有真相,據傳媒拍得嘅相片,張建聲同Kelly回港雙雙現身機場,再一齊返深水埗寓所㗎!其實二人分手後至近月,又開始在網上恢復「交往」;當Kelly一貼相,張建聲就follow得好貼咁畀心心喇。

35歲張建聲早於2016年,「暗撻」同門師妹、現年25歲嘅陳嘉莉,戀情公開後,二人不時孖住出席公開場合!不過,張建聲自從憑網劇《反黑》成功「彈起」,竟於4月高調宣布分手,仲因為爆出「四角戀」被網民鬧爆,今次「封口」,唔知係咪唔想咁高壓、咁大壓力呢?

分享: