【08年4千多萬賣出】肥姐故居1.3億再放售 欣宜︰而家同我冇關係!

圖︰欣宜回應沈殿霞九龍塘劍橋花園4號再度放售一事,直言︰「(間屋)賣咗好耐,而家同我冇關係。」(ig圖片)

「肥姐」沈殿霞故居劍橋花園4號再度放售,料總值逾1.3億元,成為市場焦點!曾經與肥姐一同居於上址的鄭欣宜今日(12日)被問及此事時,只淡然回應︰「賣咗好耐,依家同我冇關係。」不過欣宜坦言,「間屋對我嚟講好有感情,因為自己細個10幾年都係住喺嗰度。」

自小與張耀榮為鄰 欣宜︰成日喺張家黐餐!

欣宜細細個同肥姐居於劍橋花園4號室,該單位為複式設計,實用面積約4,517方呎,包括兩個天台,各約2,400方呎。欣宜自小與住在2號室的張耀榮為鄰,欣宜曾經講過:「我哋住頂樓,佢就住地下。媽咪做嘢好忙,所以我成日喺張家張飯枱上黐餐,Uncle張怕我怕醜,成日問我啱唔啱食,夠唔夠飽。」

當時6歲嘅欣宜仲好搞笑咁話:「uncle張唔使咁客氣,你求其俾啲鮑魚蟹黃翅我食就得喇!」可見欣宜嘅童年過得非常富足!據報道,欣宜同肥姐住嘅劍橋花園4號室,原先由張耀榮於1987年以1000萬元購入,至1992年以1275萬元轉讓予沈殿霞、張耀榮太太羅桂珠及Victory Asia Development Limited一同擔任董事的耀城地產有限公司;而沈殿霞自此一直居住於4號室,張耀榮則居住於2號室。

約在2007年8月,肥姐因肝瘤惡化病重,有傳她需將劍橋花園物業賣出應急,當時傳聞售價為5,500萬。

中國海外08年先後收購4號及2號室

雖然張耀榮當年曾代為否認指:「冇啲咁嘅事,佢大把錢啦,張生就冇錢。」但承認單位的確在放售中,心目中價錢是6、7千萬左右。至2008年2月,肥姐因病離世,中國海外(688)於同年7月以4,029萬元購入肥姐故居(4號室);同月再以5,400萬,購入張耀榮的劍橋花園2號室物業。

10年過去,中國海外(688)收購劍橋花園的計劃正式告吹;市場消息指,集團打算把4號室及2號室重推市場,料兩個單位將分別以總值逾1.3億元及1.4億元意向價出售。

分享: