【嫁到這世界邊端2】港女嫁失業瑞典男 陳貝兒︰好堅嘅一個女人!

圖︰陳貝兒與《嫁到這世界邊端2》的故事主角毛毛及其瑞典丈夫合照。(ig圖片)

唔少香港女仔都夢想嫁個有錢人,偏偏陳貝兒主持嘅《嫁到這世界邊端2》(下稱《嫁2》),最近就講到一位香港女生Molly(毛毛)憑己力,打工養瑞典設計師老公Johan長達10年嘅感人故事!節目一出街,即引來網民熱論,陳貝兒今日(12日)凌晨於ig分享佢同呢對瑞典夫婦嘅合照時,仲大讚毛毛係「好堅嘅一個女人!」

《嫁2》反應好 網民熱論!

《嫁2》講到嘅主角毛毛係單親媽媽,並於香港邂逅來自瑞典鄉下嘅窮小子Johan,二人情投意合、結為夫婦。婚後,Johan留港生活,卻一直失業;毛毛就做sales撐起成頭家足足10年;仲從來冇問老公攞家用!毛毛更受盡親友冷言冷語,Johan就被笑「食軟飯」,好彩二人都愛得堅定;至一次去行超市,Johan突然拎咗張信用卡出嚟畀錢,仲話已經搵到工、有收入,毛毛當然好感動啦!

結婚15年,Johan去年帶毛毛回瑞典定居,更於老家搵到份好工,喺大公司做設計!毛毛亦唔洗再捱,輪到老公Johan照顧返佢,過住幸福人妻嘅生活。陳貝兒於ig分享毛毛同Johan嘅愛情故事,引來唔少網民激讚,有網民仲留言話︰「超感動。今次這一輯比上次更感動,我每晚睇的時候都離不開紙巾!」,亦有網民話︰「第二輯更好睇,好感動人心,我晚晚都喊。好少追TVB都晚晚等10:30。」

圖︰陳貝兒在ig透露,毛毛(右)嘅囡囡已經20幾歲,係一位教師,有自己嘅職業同生活,仲鼓勵媽媽繼續勇敢去愛;毛毛仲話等緊做毛婆婆呀!(ig圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟