【青峰來香港!】吳青峰「單飛」參與Clockenflap 11月11日中環海濱演唱

圖︰吳青峰今年「單飛」出道,先參與內地節目《明日之子》,下月更會首度現身Clockenflap!(Clockenflap圖片)

吳青峰今年「單飛」出道,先參與內地節目《明日之子》,11月更會首度現身香港Clockenflap 2018!主辦單位一早公佈青峰嘅好友安溥會參與11月9日(星期五)的演出,今日(10月12日)更公佈吳青峰會來港演唱,消息一出,引發網民留言尖叫!根據官網資料,吳青峰會於11月11日(星期日)嘅Clockenflap演出。

青峰︰要做一些自己以前做不到的事

吳青峰今年以「最強新人」姿態重新出發,更聲言︰「今年開始,要做一些自己以前做不到的事。」2018年來到最後一季,已經感受到吳青峰不只是蘇打綠時代唱着《小情歌》嘅主唱,而係以治癒聲線,加上音樂才華,演唱及創作更多元化作品,且別具個人風格嘅男歌手。

佢喺5月推出首支個人單曲〈Everybody Woohoo〉,以華麗Disco曲風,加上新生代爵士女聲9M88一起合唱,為歌迷帶來新鮮感。另外,亦有古色古香嘅創作單曲〈窗〉、同陳粒合唱嘅電音小品〈空舞〉、首度詞曲唱監一手包辦嘅〈請聽〉,同埋幫電影創作嘅鋼琴單曲〈寶貝兒〉。今次吳青峰來到Clockenflap,歌迷就可以近距離欣賞到青峰嘅演出喇!

Clockenflap 2018除咗有台灣代表青峰同,亦有前Talking Heads主音、音樂文化界巨匠David Byrne、紐約傳奇Post-Punk大團Interpol ,以及美國R&B新人王Khalid等重量級音樂人參與演出。要知道完整音樂陣容同其他精彩節目,就要留意官方公佈喇!

圖︰安溥亦會參與今年的Clockenflap演出,亦係佢從張懸改回本名後,首次來香港公開演出。(聯成娛樂圖片)
圖︰青峰同安溥是超級好朋友,唔知佢哋嘅另一好友張鈞甯會唔會現身做觀眾呢?(微博圖片)
圖︰吳青峰今年5月以新人姿態復出,更現身春浪音樂節演唱,結束一年半的閉關。(春浪音樂節圖片)
分享: