【最受尊敬女演員!】羅蘭獲嶺南大學頒授榮譽院士銜

圖︰羅蘭獲嶺南大學頒授榮譽院士銜。(fb圖片)

羅蘭獲頒授榮譽院士銜!嶺南大學頒授榮譽院士銜予4位傑出人士,包括︰藝名羅蘭嘅盧燕英(MH)、車淑梅、郭琳廣(SBS,JP)及林正財(BBS, JP)醫生,以表揚其在其專業領域之卓越成就,及造福社會的重要貢獻。

羅蘭姐昨日(11日)於嶺大陳德泰大會堂接受榮譽院士榮銜,受訪時更好開心話會同家人一齊食飯慶祝!

羅蘭︰修哥話要到場支持!

羅蘭姐話︰「今日有車嚟接我囉,好開心,可能係做得耐咁解,哈哈。」佢仲話,修哥都話要到場支持佢呀!「修哥(胡楓)好有心,話要嚟;同埋十一哥(何國材)、仲有修哥契女方國珊,我兩個朋友同姪仔咁囉。」都真係好熱鬧!

羅蘭姐自50年代初開始參與電影演出,嶺大嘅新聞稿提到,羅蘭姐係香港其中一位產量最多同最受尊敬嘅女演員,自50年代初開始參與電影演出,作品過百部;踏入70年代,羅蘭姐轉戰電視圈,憑其精湛演技演活唔少深入民心嘅角色,成就獲得各界肯定。

分享: