【爸媽學前班】鍾欣潼「夫妻檔」放閃 賴弘國︰我每天讚揚老婆5次以上

圖︰鍾欣潼同賴弘國參加內地節目《爸媽學前班》,點知變咗「放閃」節目呀!(ig圖片)

鐘欣潼(阿嬌)與老公賴弘國(Michael),早前以「夫妻檔」拍攝內地節目《爸媽學前班》。二人齊齊遊英國,原本係學吓點養做爸爸媽媽,點知佢哋都不忘「放閃」,賴弘國更在節目中談到︰「我每天會讚揚老婆五次以上,我太太的五官是數一數二精緻的;她的眼神,我覺得很清澈。」

無飯夫妻? 阿嬌話未煮過飯畀老公食

參與《爸媽學前班》嘅四對夫婦入面,只有阿嬌呢一對未做人父母;佢哋當然要同英國育兒專家上堂學嘢啦!點知阿嬌未學點湊仔,先要學煮飯;見佢切菜嘅手勢比較生硬,原來阿嬌從來冇煮過一餐飯畀老公食呀!而佢老公Michael都自言唔識煮飯,所以佢喺節目入面就負責洗碗、倒垃圾等。

到節目尾聲,夫婦總結首兩日感受時,Michael就話︰「我想很好地對小朋友,你好呀!明明我是很nice的,但是沒理我。」阿嬌亦有同感,Michael再話︰「我感到好疑惑,我想對他(小朋友)好,但每次都被忽略。」阿嬌向老公提問︰「原來我們有相似的狀況出現。」睇嚟呢對新婚夫婦都真係要啲時間學育兒呀!

分享: