【整蠱專家】周星馳91年賀歲片 呢4位已故甘草演員都有份演!

圖︰1991年周星馳賀歲片《整蠱專家》中,可以睇到4位已故甘草演員嘅精彩演出。(網上截圖)

1991年賀歲片《整蠱專家》,是「星爺」周星馳其中一部經典笑片,劇中除了吳孟達,更可看到以下4位已逝世甘草演員嘅精彩演出!

「光頭王」龍彪

龍彪,原名冼偉光;佢於80、90年代活躍電影圈,多出演惡形惡相角色。於《整蠱專家》中,龍彪竟然要飾演被「星爺」於同一場戲扑頭4次嘅「光頭王」,奇又奇在龍彪被認錯「光頭王」後,「星爺」都唔洗捱打;扑完佢4次頭,龍彪仲同「星爺」講多謝!龍彪於2017年9月22日因肺癌病逝,終年61歲。

「大白鯊」魯芬

魯芬自從拍攝第一部電影《女子監獄》後,不時都要飾演惡人角色。不過《整蠱專家》中,魯芬面對「整蠱專家」周星馳,兩次都被佢「玩謝」,反襯出星爺劇中有幾「神」!魯芬生前亦曾與韓國著名演員李光洙獲邀拍攝糖果品牌(能得利)廣告,二人所唱嘅賀年歌更深受觀眾歡迎。魯芬於2017年2月6日凌晨,因罕見疾病皮肌炎導致肺部衰竭離世,終年63歲。

「朱先生」成奎安

有「大傻」之稱的成奎安,入行初期主要演惡人,到後來成功轉為喜劇演員。於《整蠱專家》一片,他是首位被整蠱的角色「朱先生」。「大傻」嘅角色之所以搞笑,正正因為佢外表夠惡,但經常在片中做出「懶醒目」行為,例如︰自行要求調轉杯茶嚟飲等。大傻哥於2004年證實患上鼻咽癌,接受多次化療及電療後曾好轉;但期後復發,於2009年8月27日逝世,享年54歲。

「程運濤」鮑漢琳

《整蠱專家》嘅「程運濤」相信唔係鮑漢琳最為人知嘅角色,觀眾多會記得佢係程樂兒(關芝琳 飾)爸爸;但如果講到《賭神》入面嘅賭王陳金城,相信好多人會知道,佢就係鮑漢琳。在《整蠱專家》入面,佢飾演富貴人家,較深刻的一幕,應該係佢戴起大頭佛醒獅時,被未來女婿李子雄打。鮑漢琳於2007年7月12日在倫敦逝世,享年91歲。

圖︰見到呢一幕,即刻諗起周星馳大嗌一句︰「光頭王!」(網上截圖)
圖︰大傻在《整蠱專家》中「懶醒目」,叫星爺同佢交換茶嚟飲,結果中伏!(網上截圖)
圖︰魯芬在片中被星爺整蠱,令佢誤以為自己「殺咗人」!(網上截圖)
圖︰鮑漢琳在片中要扮大頭佛醒獅,卻遭未來女婿李子雄打。(網上截圖)
分享: