【最貴司儀】盤點娛樂圏星級司儀 身價最高嘅竟然係佢?

圖︰楊洛婷、森美、Bob、李浩林、區永權都係新年炙手可熱嘅星級司儀,究竟佢哋邊個嘅司儀身價最高呢?(ig、微博截圖)

娛樂圈有咩星級司儀?除咗曾志偉、「DoDo姐」鄭裕玲之外,現時「炙手可熱」的星級司儀仲有︰楊洛婷、森美、Bob、李浩林、區永權;究竟呢5個人入面,邊個身價最高?身價高低又係按咩標準而定嘅呢?

據悉,司儀嘅身價主要視乎性質、工作時間而定;而出名、水準OK、多大Brand搵,又曾擔任大機構司儀嘅,身價都會會貴啲嘅。而身價最高嘅竟然唔係森美,而係佢!

第1位︰李浩林

李浩林(Derek)主持過好多TVB電視節目,包括︰《歡樂滿東華》、《萬千星輝賀台慶》、《港生活 · 港享受》、《今日VIP》等,而且仲係上述5位星級司儀中,身價最高嘅司儀。事關Derek主攻接「貴價騷」,不時都會為名牌、奢華品舉辦嘅宣傳活動擔任司儀,同時夠專業、水準高。而最近高鐵香港段開通,開通儀式都有Derek同陳芷菁一同擔任司儀㗎!

第2位︰森美

單係聽上述嘅司儀名單,好多人都會估森美身價最高。事關多年來擔任商台DJ嘅森美人氣高,又多人識,同時又有喺TVB做綜藝節目同拍劇,除咗年輕人熟悉,亦有唔少家庭歡眾Fans!一提到森美,大家都會認同佢「轉數」高、又搞笑,做喺司儀上嚟真係好出色、好專業!現時TVB唔少節目,如︰「香港小姐競選」都係由森美擔任主持,話佢身價低都唔信啦!

第3位︰楊洛婷

女司儀方面,03年港姐亞軍兼旅遊大使獎得主楊洛婷(Rabee’a),係女司儀入面身價最高嘅!楊洛婷有9年主持《港生活 ‧ 港享受》(Dolce Vita)嘅經驗,令佢得到唔少做司儀嘅工作機會。有媒體就曾經報道,Rabee’a每年有過百司儀工作,而且大多都係化妝美容、名車等昂貴品牌,單計佢1年做司儀嘅收入,就有400萬,認真厲害!

第4位︰林盛斌

林盛斌(Bob)同樣係電台DJ出身,佢2003年開始主持新城電台《新香蕉俱樂部》;雖然佢比森美遲10年出道,但在司儀身價和工作量亦追得好貼!曾經有報道指,Bob早年已視森美為「假想敵」,希望與他一樣有知名度、賺錢能力高。而Bob接嘅司儀工作,由普通活動嘉賓、婚宴司儀到商場活動都有,收費亦比較親民,靠密密做突圍;而且Bob嘅好爸爸形象,令佢深受親子活動主辦單位歡迎!

第5位︰區永權

至於最近做司儀,做到「發哥」周潤發都幫佢抹汗嘅區永權(Albert),亦係香港娛樂圏嘅當紅司儀。Albert做過有線娛樂新聞台主播,12年約滿有線後轉投NowTV,做過now觀星台、now101台嘅節目主持。到15年加入TVB,做埋《東張西望》、《大玩特玩》、《Ben Sir睇樓團》等節目,獲更多觀眾認識。而做開娛樂節目嘅Albert,不時都會幫電影宣傳活動做司儀,而佢亦係2015至2017年嘅《香港電影金像獎》紅地氈環節嘅司儀!

圖︰Derek(右)為上述5位星級司儀中身價最高嘅一位。(微博圖片)
圖︰森美(左)人氣高,擔任903DJ多年嘅佢,深受多代年輕人歡迎。(ig圖片)
圖︰港姐出身嘅楊洛婷係女司儀中,身價最高嘅一位。(ig圖片)
圖︰Bob(右一)身價比較親民,無論大小活動都可以見到佢做司儀。(ig圖片)
圖︰Albert上星期挑戰跳住做司儀,更獲發哥親自為佢抹汗。(ig圖片)
分享: