【真係家暴?】洪欣着長袖衫褲 現身醫院!

圖︰洪欣被指穿長袖褲現身醫院,並獨自湊女。(微博圖片)

最近爆出家暴疑雲的洪欣,星期二(2日)因深夜在微博留言話︰「打女人的男人要不得。」令網民擔心她受到家暴。雖然佢之後現身微博解話,但好多網民都唔信解釋;前日(3日)仲畀人見到佢身穿長袖衫褲現身醫院呀!

面容憔悴 獨自湊女

據報道,洪欣被人發現身穿長袖衫褲去醫院,手上攞一個膠袋;拎完藥之後,佢被影到獨自湊女、面容憔悴。她其後向媒體表示,因為女兒生眼瘡,要帶佢睇醫生。被問到老公張丹峰嘅近況,佢仲話:「好好呀,我哋嚟緊仲一齊工作,好開心。」

其實洪欣同張丹峰曾經在節目透露,二人有唔少磨擦,洪欣仲試過多次離家出走!張丹峰仲話洪欣性格火爆,話自己被家暴喎!張丹峰話︰「夏天去拍戲,我都不敢讓她經常來探我的班,因為夏天穿得少,她喜歡掐人。」難怪網民會成日猜測佢哋係咪有第三者、家暴等等。

分享: