【傳斷背情?】同經理人孖住出埠 佘詩曼微博貼合照回應

圖︰佘詩曼被指與經理人陳早茵疑似搞「斷背情」,佘詩曼昨日(3日)於微博澄清二人關係。(微博圖片)

人紅是非多,憑《延禧攻略》演「嫻妃」走紅嘅佘詩曼(阿佘)都難以倖免。日前阿佘被傳與經理人陳早茵疑搞「斷背情」,但阿佘話唔係事實唔回應。

昨日(3日)二人孖往出埠,阿佘仲特登貼合照回應傳言︰「她是我的經理人@陳早茵Joanne 、我的戰友、我超級好的朋友。不要作無謂的揣測。。完。。」明晒!

陳早茵曾與韓君婷傳斷背情

講返事件另一主角陳早茵,佢係陳欣健嘅大女;2005年,陳早茵曾經與韓君婷傳出斷背情。據今次傳出嘅報道指,陳早茵極力慫恿阿佘開工作室,並成為阿佘嘅經理人,助阿佘進軍大陸市場;報道又話,阿佘憑《延禧攻略》喺大陸爆紅,原來都係多得陳早茵勸咋!因為阿佘原本諗住推戲,但陳早茵就游說阿佘要接呢套劇,先令佢可以於大陸爆紅。

日前阿佘回香港出席活動,據報陳早茵都有陪伴在側,仲陪阿佘送中秋禮品俾佘媽媽;報道話佢同佘媽媽相當熟絡。之後,陳早茵更陪阿佘到機場,出發到大陸工作;不過有知情人士指,阿佘只鍾意男仔,所以冇可能啦!

圖︰佘詩曼同陳早茵係戰友同超級好嘅朋友。(微博圖片)
圖︰阿佘自08年同鄭嘉穎傳緋聞後,似乎都冇咩對象。(微博圖片)
圖︰阿佘今年43歲,佢憑大陸清宮劇《延禧攻略》事業更上一層樓!(微博圖片)
分享: