【忙到甩碌…】《嫁到這世界邊端2》下周一播 陳貝兒再入院!

圖︰陳貝兒為TVB拍攝《嫁到這世界邊端2》,近日仲要處理後期,忙到甩碌!(ig截圖)

陳貝兒為拍攝TVB節目《嫁到這世界邊端2》,今年7月去土耳其外景時,曾中暑入院,要留院吊鹽水!由於節目下星期一(8日)就推出,陳貝兒連日來忙為節目做後期,又配音、又跟進剪片。點知昨日(3日)就被影到佢去咗醫院,仲因為醫院爆滿,而要安排再轉醫院呀!

按住個肚 行路都冇力

據傳媒報道,陳貝兒一直按住個肚,在工人及保險經紀陪同下到醫院。醫護人員安排佢打針同檢查,仲要坐輪椅出嚟等候;但由於醫院爆滿,貝兒等人要搭的士轉到嘉肋撒醫院入院。貝兒落的士時,行路都冇力,要由工人扶實,護士亦立即安排輪椅出嚟,推貝兒登記入院。貝兒昨晚回覆傳媒話:「今朝起身好肚痛,痛到落唔到床,仲未知乜嘢事,要留院檢查,多謝關心。」

在《嫁到這世界邊端2》節目中,陳貝兒要喺40日,去晒瑞典、法羅群島、波蘭、希臘同土耳其5個地方尋找異鄉人妻,總共要坐19程飛機!加上不斷出外景,難怪貝兒會搞到又中暑、又入院!

圖︰陳貝兒在拍攝期間要不斷出外景。(ig圖片)
圖︰仲要坐19程飛機。(ig圖片)
圖︰不過去咗咁多地方,睇靚景都值得吧!(ig圖片)
分享: