【係發展緊!】江嘉敏認拍拖 戀30歲電競公司高層

圖︰江嘉敏認戀30歲電競公司高層。(ig圖片)

23歲江嘉敏,近日傳出同30歲電競公司高層Anthony密會,男方管接管送、揸住寶馬車出車入,仲畀影到二人於西貢一村屋密會兼過夜,又十指緊扣、愛得痴纏。江嘉敏今日(3日)接受媒體訪問時,就直認新戀情,「其實就啱啱開始咗無耐啫,係發展緊嘅。」確認「女神封盤」,相信Fans失落之餘,都會戥佢開心嘅。

秘密同居? 江嘉敏避而不談

據報道,江嘉敏與Anthony連日到西貢村屋過夜。對於秘密同居一事,江嘉敏避而不談,只係話:「報道入面講嘅嘢有啲啱又有啲錯啦!工作以外嘅嘢我唔想講太多喇,始終都唔想影響到身邊其他人,包括屋企人。」

之前江嘉敏曾經多次話自己單身,如今識到6呎高、家底厚、且事業有成嘅Anthony,又難怪江嘉敏會直認戀情嘅。

分享: