【又變樣?】39歲徐子珊疑似「變臉」 感情生活冇著落因為……

圖︰39歲徐子珊,最近被傳媒影到近照,疑似又變樣;圖為2018及2016年其照片的對比。(微博圖片)

現年39歲嘅徐子珊,最近被傳媒影到獨自逛超市,仲發現佢好似又唔同咗樣,疑似「變臉」呀!徐子珊2016年離開TVB後改簽王祖藍,主攻內地市場;同時又自家設計珠寶放上網賣,仲有喺港大半工讀心理學碩士,認真勤力!忙於工作同進修嘅徐子珊,雖然同過唔少男星傳緋聞,但感情生活一直都冇咩著落,究竟點解呢?

「到現在拍拖,我都好小朋友」

徐子珊嘅感情生活,一直都好神秘;佢有多位緋聞男友,包括︰黎明、馬德鐘、吳卓羲、黃子華等,但佢從來都冇承認過。而佢曾經喺受訪時表示,「即使到現在拍拖,我都好小朋友;藝人嘅形象同真人差好多。因為我係家中孻女,要人愛錫同保護,今時今日我仍然會打電話畀爸爸,家人要買咩電器或者日用品,我完全唔曉,要叫阿爸幫手,是一個好依賴嘅人。」

佢又覺得,拍拖唔可以扮另一個人,要表現自己真面目,「刻意去為對方改變?係假象來嘅,我身邊好多離婚個案都係咁樣,嗰一刻為討好對方,畀人一個假象。唔洗等10年,而家啲人無咩耐性,10個月已經打回原形啦!」

努力Keep Fit 瘦過以前!

據報道,當日被拍得獨自於超市購物嘅徐子珊,睇落fit咗、個人後生咗。不過個樣呢,就睇落唔同咗。其實早前徐子珊於微博上載收花相,已經畀網民話佢「變樣」,有人話佢似湯怡,又有人話佢似王君馨。

攞返2016年嘅收花相做對比,徐子珊睇落唔同咗,但又真係靚咗嘅!冇變咗嘅就係,佢成日都獨自出行,自己揸車、自備購物袋、自己出行。未有Mr.Right出現,徐子珊都有好好照顧自己嘅。

圖︰徐子珊2004年成為港姐冠軍,當時個樣係咁嘅。(網上截圖)
圖︰佢近年就V面同瘦咗。(微博圖片)
圖︰最近仲影少女相呀!(微博圖片)
分享: