【家暴疑雲】洪欣解釋「打女人的男人要不得」原意 網民唔信!

圖︰洪欣昨晚(2日)發文指「打女人的男人要不得」,網民紛紛留言關注她是否被家暴;圖右為洪欣丈夫張丹峰。(網上截圖)

內地藝人洪欣早前先被傳老公張丹峰「偷食」,疑似「小三」更是張丹峰的經理人,事件經各方出面澄清後落幕。不過,洪欣日前(2日)晚上於微博發文,留言「打女人的男人要不得」,就引起家暴疑雲;短短數小時就有逾6千個留言,關心洪欣嘅情況。

而洪欣就半夜留言解釋,上述留言係講緊早前內地嘅一單老婦無辜被打新聞,對於令到咁多人擔心,佢都好抱歉。但網民睇到洪欣解話之後,依然唔肯相信,懷疑洪欣係掩飾遭家暴嘅真相呀!

未能即時聯絡洪欣解話 網民差測

其實洪欣留言「打女人的男人要不得」,並引來網民熱論後;其身邊工作人員就話「洪欣習慣早瞓」,因此未聯絡到佢問清楚情況,只係話相信佢感情冇問題。

而網民除咗估洪欣被家暴,亦曾經推測過︰帳號被盜用、講緊其他人等原因。雖然洪欣之後都有出嚟澄清事件,但解釋就未能令網民信服。事關洪欣講緊嘅新聞係一個18歲男仔喺街上發脾氣,一位路過嘅老奶奶好心勸告,結果畀男仔暴打;部分網民質疑洪欣將18歲男子同老奶奶寫成男人同女人,似乎唔太合理,懷疑洪欣只係為掩飾被家暴,而試圖解話!

分享: